Dabaa MA ka kibaru duman

Masataana Matigi ka ciyɛn talaw minu bɔra Yisa (Yeshua) nɔfɛ



Ni aw bɛ ne kanu, aw na ne ci fɔlɛnw mara. Ne ka ci fɔlɛnw bɛ min fɛ, ni a bɛ u kɛ, o tigi le be ne kanu. Mɔgɔ min tɛ ne kanu o te ne kuman kan kɛ. katuguni (ka d’a kan), aw ye kuma min mɛn, o ma bɔ ne yɛrɛ de fɛ, nka o bɔrɔ ne Fa min ye ne ci de fɛ. Ne ka Kalan nin, ma bɔ ne de fɛ, nka ne Faa min ye ne ci. Jean 7:1 Jean 14:15.21.24.



https://www.obv.ci/?rt=1z9tp&mid=1607290819201206

102
  visiteurs
  230
  visites
  0
  j'aime








Masataana Matigi ka sariyaw,

Aw ye Matigi aw ka MA kanu, nin aw ka dusukunbɛ he, ni aw ka ni bɛ he, ni aw ka miirili bɛ he, ni aw ka fanga bɛ he. (A sɔrɔ nin sɛbɛ kɔnɔ : Matthieu 22.37, Marc 12.30, Luc 10.27, Marc 12.29, Deuteronome 6:5, Deuteronome 11:1, Deuteronome 30:6).

Kelen (1) Aw ye MA kelen bato.

Fila (2) Aw kana bolofɛn si bato.

Saba (3) Aw kana Matigi aw ka Masataana tɔgɔ wele gbanzan.

Nani (4) I ka miiri Matigi i ka MA lafiɲɛ don ma ka o saniya.

Duru (5) I ka i fa ni i ba bonya.

Wɔɔrɔ (6) Aw kana mɔgɔfaga.

Wolonfila (7) Aw kana jatɔya nin jɛnɛya kɛ.

Segin (8) Aw kana sonyali kɛ.

kɔnɔntɔn (9) I kana seereya jugu kɛ i tɔɲɔgɔn kama, i kana nkalon tigɛ i tɔɲɔgɔn kama.

Tan (10) I ɲɛ mabɔ i tɔɲɔgɔn ka nafolo la, a bɔn la, a muso la, a misi la, a fali la, i tɔɲɔgɔn Ka fɛnsi

la.

I ka i tɔɲɔgɔn kanu i ko i yɛrɛ. (A sɔrɔ nin sɛbɛ kɔnɔ : Marc 12.31, Romains 13.9, Galates 5.14, Jacques 2.8-11, Levitique 19.13, 19.14, 19.15, 19.17, 19.18, Matthieu 5.43, Matthieu 19.18-19, Jean 14.21, Jean 14.23, Jean 14.24).

07/12/2020









Fa Màsataana kuma bɛ tìɲɛ ye ani ɲɛnamaya.

Kuntigi (ɲɛmɔgɔ wala Matigi) Yisa (Yeshua) ya fɔ an ma "Ne bɛ Karamɔgɔ ani Kuntigi ye, o bɛ tìɲɛ ye".

Yisa (Yeshua), Fà Màsataana denkɛ, ye tìɲɛ fɔ an ma, tìɲɛ min bɔra a Fà Màsataana de fɛ. A bɛ an ɲininka ko :

Aw bɛ ne wele ko Karamɔgɔ ani Matigi. Ni aw bɛ ne wele tèn, o ye tìɲɛ ye, katuguni Ne ye Karamɔgɔ, Ne ye Matigi ye fana.

Mun y’a to aw bɛ ne wele : "Matigi, Matigi", ka sɔ̀rɔ ne bɛ ko min fɔ aw ma, aw tɛ o kɛ?.

Mɔgɔ min bɛ ne kuma dɔn ka o kɛ, o mɔgɔ de bɛ ne kanu. Ne yɛrɛ ani ne Fa na o mɔgɔ kanu.

Ni aw bɛ Ne kanu, aw kan ka ne ka kumaw kɛ.

Amin.

24/12/2020









Ala deli tan ko :

1. An Fa min bɛ sankolo la, I tɔgɔ ka saniya.
2. I ka masaya ka na.
3. I sago ka kɛ dugukolo kan, i ko a bɛ kɛ sankolo la cogo min na.
4. An ka bi dumuni di an ma.
5. An ka hakew yafa an ma, i ko an fana bɛ yafa an hakew tabaaw ma cogo min na.
6. I kana an don kɔrɔbɔli la, nka an kisi sitanɛ ma.
7. Katuguni masaya ni sebaya ni nɔɔrɔ ye e de ta ye badaa-badaa.

Amiina.

Liburu (Matiyu 6:9-13)

29/12/2020









kiritigɛ ani kiritigɛla : Yeshua (Yisa) ye kiritigɛla de ye.

Fa Ala te kiri tigɛ mɔgɔ si kan, nka a ye kiri ko bɛɛ di a Denkɛ ma, walisa mɔgɔw bɛɛ ka Denkɛ bonya i ko u bɛ Fa bonya cogo min na. Min tɛ Denkɛ bonya, o tɛ a cibaa Fa Ala bonya.

Liburu (Yuhana 5:22-23)

29/12/2020









kiritigɛ ani kiritigɛla : Mun de bɛna kɛ anw ye?

Piɛrɛ ko "An ka fɛn bɛɛ tó ka tugu i la. Mun de bɛna kɛ anw ye?"
Yesu (Yisa) y’a fɔ u ye ko : "Tiɲɛ la ne ba fɔ aw ye ko, ni Mɔgɔ Denkɛ sigira a ka masasigilan nɔɔrɔma kan diɲɛ kura la tuma min na, aw mɔgɔ tan ni fila minnu tugura ne nɔfɛ, aw fana na sigi masasigilan tan ni fila kan ka kiri tigɛ Israɛl siya tan ni fila kan.

Mɔgɔ minnu bɛɛ jɛnna u ka sow kɔ, wala u balimakew, wala u balimamusow, wala u fa, wala u ba, wala u denw, wala u ka forow, ne koson, olu na u fɛnw ɲɔgɔ kɛmɛ sɔrɔ, ka u niyɔrɔ fana sɔrɔ ɲɛnamaya banbali la.

Liburu (Matiyu 19:27-29)

29/12/2020